Anatomy of Eye in urdu

Anatomy of Eye (Urdu) آنکھ کی ساخت

 کورنیا Cornea

کورنیا آنکھ کی باہری شفاف سطح کو کہتے ہیں۔ کورنیا کا شفاف ہونا اس لئے اہمیت رکھتا ہے تا کہ روشنی کی شعائیں آنکھ کے اندر داخل ہو سکیں۔

 اسکلیرا Sclera

سکلیرا آنکھ میں موجود سفید مادہ ہے جو آنکھ کی مخصوص بناوٹ کو قائم رکھتا ہے۔

 کنجکٹوا Conjectiva 

کنجکٹیوا آنکھ میں موجود شفاف ٹشو ہے جو انفیکشنز کے خلاف مدافعتی کام سر انجام دیتا ہے۔ اس کے علاوہ یہ مادہ mucin پیدا کرتا ہے جو آنسوؤں کی صورت آنکھ کی سطح پر ٹکے رہتے ہے۔

 آئرس اور پپل Iris & Pupil

آئرس آنکھ کا رنگدار حصہ ہے جو آنکھ کے اندر روشنی کی شعاؤں کی مقدار کے داخلے کو کنٹرول کرتا ہے۔ آئرس اس کام کو pupil کے ذریعے سے انجام دیتا ہے جو آئرس کے درمیان میں موجود ہوتا ہے۔ رات کے وقت آئرس مسلز کو کھنچاؤ پیدا کرتا ہے جس سے آنکھ میں pupil سے روشنی ذیادہ مقدار میں اور دن میں مسلز pupil کو چھوٹا کرتے ہیں جس سے روشنی آنکھ میں کم مقدار میں داخل ہوتی ہے۔

 عدسہ Lens

لینز آنکھ میں کسی شے کے عکس کو فوکس کرنے کا میکنزم ہے یہ بوقت ضرورت اپنی بناوٹ کو تبدیل کرنے کی صلاحیت رکھتا ہے جس سے دور کی اشیاء کو دیکھنے می آسانی رہتی ہے۔ جیسے جیسے عمر بڑھتی ہے یہ صلاحیت کم ہوتی جاتی ہے جس کی وجہ سے ریڈنگ گلاسز لگانے پڑتے ہیں۔

انسانی آنکھ میں  آپٹیکل ریفریکٹو  پاور تقریباً  ساٹھ ڈائیوپٹر ہوتی ہے۔ جس میں سے دو تہائی ریفریکٹو پاور کورنیا اور تقریباً ایک تہائی اس میں موجود کرسٹل لائن لینز کی ہوتی ہے۔ پس انسانی آنکھ میں ریفریکٹو پاور کیمجموعی تعداد تقریباً ساٹھ ڈائیوپٹر ہوتی ہے۔

 وٹرس  Vitris

وٹرس آنکھ میں موجود فلوئیڈ یعنی پانی کی طرح کا مادہ ہے اس کا کام آنکھ کے اندر دباؤ بڑھائے رکھنا ہے تا کہ آنکھ کی شکل قائم رہے۔

 ریٹینا Retina

کسی کیمرے کی طرح ریٹینا فلم کی طرح ہے جس کاکام امیجز بنانا ہے۔ یہ ایک ایسا ٹشو ہے جو لاکھوں لائٹ سینسٹو ٹشوز کا مرکب ہے جنہیں receptors کہتے ہیں (جیسا کہ کسی کیمرے کے پکسلز ہوتے ہیں)۔

 میکیولا Macula

میکیولا ریٹینا کا وہ حصہ ہے جو امیجز کو نظری طور پر ترتیب دیتا ہے۔ اس میں فوٹو ریسیپٹرز ریٹینا کے باقی حصوں کی نسبت زیادہ عمدہ ہوتے ہیں جو آپکو امیج زیادہ واضح کر کے دکھاتے ہیں۔

 آپٹک نرو Optic Nerve 

آپٹک نرو ایک طرح کا سپر ہائی وے ہے جو ریٹینا سے معلومات وصول کر کے دماغ تک پروسیسنگ کی لئے پہنچاتا ہے۔

بلائنڈ سپاٹ معلوم کرنے کیلئے اپنی بائیں آنکھ بند کر لی انڈکس فنگر کو دوسرے ہاتھ سے پکڑ بازو جتنا لمبا کر کے انگوٹھے پر نگاہیں رکھیں آنکھ کے سامنے دائیں سے بائیں اور بائیں سے دائیں آہستہ گھمائیں وہ مقام جہاں پر امیج ریٹینا پر بننا چھوڑ دے بلائینڈ سپاٹ کہلاتا ہے۔

Anatomy of Eye

محمد وسیم سعید

(آپٹک ایج) لاہور